Saida mak kultura?

     Óla belun sira benvindu mai iha pájina ida ne'e, peskisador husi estudante eskola (SACROJES).Iha pájina ida ne'e peskisador hakarak atu fahe lisaun ne'ebé mak peskisador foti-ona ho títulu "KULTURA", espera katak ko'ega sira excited hakarak atu hatene no koiñese liu-tan kona-ba kultura liu-liu kona-ba kultura iha Ita nia nasaun Timor-Leste,tan ne'e mai ita ba koiñese hamutuk.

 Di'ak,molok atu tama bá iha lisaun ne'ebé mak peskisador foti,ba dala-uluk peskisador la haluha atu apresenta identidade husi peskisador rasik.

  Di'ak,ha'u nia naran Zenidia Melia Pires Lopes,agora daun-daun tu'ur iha banku sekundaria 3-ano ct²,ho idade 16 anos husi Munisípiu Manu-fahi no agora daun-daun hela iha Matadoru. Hakarak atu fahe koinesementu uituan kona-ba Saidamak kultura,tan ne'e mai hamutuk ho peskisador ita ba vizita hamutuk.

      Kultura,liafuan kultura ninia orijen mai husi lian Latin "Colere" ho signifikadu katak "Kuda buat ruma" hare,kuidadu no tau matan bá iha buat ruma.Kultura mós sai hanesan identidade ka tradisaun orijen husi ita-nia nasaun Timor rasik ne'ebé mak hahu kedas  husi vis-avo sira nia tempu mai to iha tempu agora.Kultura mós bele transmite husu jerasaun ba jerasaun liu-husi dalan komunikasaun,observasaun no esperiénsia ruma nomos kultura la'os buat ida ne'ebé mak hamriik metin maibé nia sempre muda no hetan influénsia husi karakter sira hanesan istória n.s.s.t.

   Hanesan ita hotu hatene katak iha ita-nia nasaun Timor eziste kultura ne'ebé mak barak no lala'ok diferente: hanesan prosesu tradisaun ho lian materna ne'ebé mak diferente,lei ou bandu ne'ebé mak diferente,roupa tradisional ne'ebé mak eziste ho oin-oin no mesak furak no instrumentu tradisional sira.Kultura hanesan prosesu ida ne'ebé bele kesi ema iha vida sosiedade ho kultura ne'ebé mak la hanesan ou diferente,liu-husi kultura mós bele halo ema koinese malu no bele kria relasaun ne'ebé mak di'ak no moris iha sosiedade ne'ebé mak unidade no servisu hamutuk.

    Bainhira ita ko'alia kona-ba kultura Timor nian buat ne'ebé mak baze liu iha kultura Timor mak (uma-lisan,uma-adat ou uma-lulik),molok mai to iha ohin loron, uma-lisan sai hanesan baze ba iha kultura no Igreja Katólika,tanba rejiaun Katólika tama ikus ou mosu ikus iha 1511.

  Simbolu rua refere,Igreja Katólika no uma-lisan sai hanesan buat ne'ebé mak sakral no kesi metin ou kesi hamutuk ona hodi sai abut ida de'it.Tuir ita Timor rekoñese katak uma-lisan sai nu'udar "Igreja natureza" desde tempu vis avo sira nian mai to iha ohin loron no nia lulik la signifika nia lulik liu igreija no halo ita atu hahi hanai de'it ba nia maibe atu konsidera no respeitu tamba ida ne'e mak Timor nia identidade.

 Tuir matenek nain ida ho naran "Edwar Burnetta Tylor" fo nia argumentu katak:kultura sai hanesan siensia ne'ebé kompleksu tebes,tamba liga ho fiar,múzika,normál,regras ou lei,lian,lisan ka tradisaun no kostume ne'ebé husik ho ema sai membru ida husi sosiedade ida no nia haforsa tan katak"kultura akumula buat sira ne'ebé mak iha relasaun ho natureza".

 Di'ak,ida ne'e mak ikus no rohan ba iha peskisador nia lisaun ne'ebé mak peskisador foti ou hili atu fahe bá iha kolega no belun sira,la haluha hato'o agradese no deskulpa karik iha failansu uituan iha peskisador nia pajina refere, peskisador husu deskulpa no agradese ba aman Maromak nia grasa i Adeuss.

#Sacrojes.